قصيدة مهداه الي عبدالكريم المطيري
القصيدة قديمه وجدتها بالارشيفوكانت مناسبتها أول دخولي سوق الأسهم
باستشارة أحد الزملاء وقد صادف دخولي انهيار
السوق عام ٢٠٠٦
(وقد رد علي القصيدة ولكن لم أجد رده بسبب المدة الطويلة)
سلام نبدابه على ابن نعيمان
راع الوفا والطيب وقت اللزومي
رجلٍ خبير بالمعاني والألحان
يعرف قوانين العرب والسلومي
من لابةٍ يوم الملاقى لهم شان
لاجا نهارٍ فيه رد الخصومي
اخوٍ عزيزٍ نحسبه ضمن الأخوان
عساه دايم بالليالي يدومي
لاشك مابي جوع ولاني بضميان
لكن في صدري كثير الهمومي
جتني نصايح من قرومٍ وشجعان
قالو ترا حنا نجيب العلومي
قالو ترا بالسوق لولو ومرجان
يبيلها رجال مثلك يسومي
انظر دخل بالسوق افلان وفلان
واليوم صارو فوق ذيك النجومي
طبيت انا بالسوق وأصبحت خسران
من عقب ماني فوق ذيك الرجومي
واليوم نبغى نصحكم ياكحيلان
قدام نفقد عقلنا والهدومي
ليست هناك تعليقات:
إرسال تعليق