قصيدة فخر. الشاعر حمد نفيع

ربعي الي لهم بالمجدساسن جويد
للوفاءوالشهامه ما تحسب مداه
بالفخر سجل التاريخ مجدً تليد
يتعب الي حكابه ويتعب الي قراه
جامعين الثلاثه والمواقف تزيد
العدو مونسن الغبن داخل حشاه
المطيري جمع له مجدشامخ فريد
ثابتن للقبيله مثل موسي وعصاه
مفخره ثابته للمجد في كل حيد
التواريخ تشهد في فعول الدهاه
من فعايل مطيريشيب راس الوليد
من بلادالكويت إلين دار الحصاه 
مجدشامخ لربعن ماتهاب الضديد
تارد الموت من ساسً قويه عراه
ثابته بالجزيله مثل صلب الحديد
فالشدايدتراهم سعد منهم ذراه
يفتخرمن نصاهم بالنهارالشديد
من لفاهم تريح خاطره من عناه
بالمواقف تنومس مثل بنك الرصيد
فطرتن من ولي العرش تاج الغناه
ربعي الي على الطاله تضدالعنيد
تقهره من يمينن ماتهاب العداه
من لفاهم على الطاله كسب مايريد
للوفاء والجزيله تفعل الي تباه
للمواقف تري المطران سيفً حديد
طيبهم فالمواقف عالين مستواه
طيب ربعي جري بالدم وسط الوريد
حبهم وسط قلبي ثابتن في غلاه
المطيري جبل ثابت علم وكيد
عزوهً نفتخرفيهابوسط الحياه
بالفخر كاسبين الطيب قبل وجديد
السعدعندربي والله عطاه
طيبهم لنشاما كل يوماً يزيد
كم حسودً نواهم ثم عود وراه
عزوتي وأفتخرفيهاوأقول المفيد
مجدهم شامخن تحكيه كتب الرواه
والله أنهم عضيد الي مايلقاءعضيد
فالمواقف تحوز الطيب من مبتداه 
بالزعامة لهم راين صواب وسديد
وجارهم في حماهم آمنن ماعلاه
ماجحدطيبهم يكود رجلً جحيد
من سنينن قديمه هم رجالاً دهاه
لوكتبناوقلناوسط نظم القصيد
طيبهم ماتحصره وسط كتب وقناه
ويالله أني طلبتك ياعظيم الوعيد
انت خالق لكونك وأنت عالم خفاه
تحفظ اللابه الي للوفاءماتحيد
دعوه لعبدك الي لك يلح بدعاه
كلمات حمدنفيع الرخيمي
إهداء لقبيلة مطير عامه
قصيده فخر