فالرخاء يكثر ربعي وكلن لي صديق
وفالشدايد من الف واحد يبى يصفي عشره
شارب فنجال دله وفي يديني بريق
وياكثر وعود ناس ولافيها ثمره
وخابر مداح نفسه ترى ماله رفيق
لاحداك الوقت يمه يلقيك ظهره
السعه لابارك الله في دربن يضيق
وياحلو مال بيغنيك لوكان بقره
والمدح في غير راعيه والله مايليق
الردي لامن مدحته تبى تجيب خبره
واليتيم إلى نهرته ترى قلبه رقيق
يتذكر لطف أبوه ودمع عينه ينثره
لاتجرب قوتك فيه لأنه مايطيق
الأجل فابوه فجاءه وأنت تنهره
كلمات ::::::: محمد نفيع
ليست هناك تعليقات:
إرسال تعليق