يالله يالي فوق سبعن تعلت الشاعر سعود الميموني

يالله يالي فوق سبع(ن) تعلت 
                 يالي علئ خلقگ رقيبً سميعي 
العين في رجواگ فاضت وهلت
                 والنفس ماتحمل مالا تستطيعي
يارب نفسي من عنا الوقت ملت
                   جتها هموم الوقت مع كل ريعي
بامرگ همومي كل ابوها تجلت 
                    وبامرگ يعود كل شيً طبيعي 
نفسي رضت بالي كتبت وتحلت
                  يالي كفلت ارزاق خلقگ جميعي
تبعت نفسي بالهواء لين ظلت
                  وانت الملاذ وباب عفوگ وسيعي
يالله عفوگ كان الاقدام زلت
                   في ماقفٍ يومه علينا فضيعي
يومً من هوله كل نفس(ن)تخلت
                 يومً عبوس يشيب  منه الرضيعي
يالله يالي فوق سبع(ن)تعلت 
                 أنت الملاذ وباب عفـــوگ وسيعي


سعـود علي الميموني