من يوم حطيتك على طاري البال

لاوالله الا خربوا لي مزاجي
من يوم قالوا خطنا مابه ارسال
 تكسر الخاطر سوات الزجاجي
سبحان من بدل الحال بحوال
تبغي الخراج ولاحصلك خراجي
من يوم حطيتك على طاري البال
ياصقر عود  مثل فرخ الدجاجي
تلعب به الارياح من جال في جال
العام وانته مثل ضو السراجي
ياكيف ماعندك شريحة وجوال
لاصار لك شون ومعاش وخراجي
وش عذركم بالله ياطيب الفال
بالطيب معروفاً سوات العواجي 
 خلك على القمه ولو الزمن طال
  والمعذرة ان كان فيها احراجي 
  خواطرً تطري على كل رجال