ياكبتن الطايره

ياكبتن الطايره اركد على هونك
ارفق ترفق ترا باقي لنا ساعه

الرحله مؤكده والناس يغلونك
والعمر يفنى وخلق الله طماعه

.....ناصر شديد

**************************
مجاراة الشاعر..محمد نفيع. 

ماترضي الناس لو تهديهم عيونك
لكن تريح وخل الهم واوجاعه

غادر على رحلتك لوهم ينادونك
وان كان راعيتهم خلوك شماعه

*********************
مجاراة الشاعر نايف الجبيري

رايح على وين كان الله في عونك
ياللي شكيت العناء والبعد ووجاعه

الناس تذكرك يوم ويوم ينسونك
     والدنيا لو فرقّت لا بد جمّاعه

***************

يالصاحب المغترب بالله وش لونك
يالصاحب اللي لك الأبيات منصاعه

عذب القوافي سرى بالناس لعيونك
         تقول ولع بـ خلق الله بـ ولاعه

شاعرها
****************
مجاراة الشاعر سيف شريد ال قينان

ياخال هاضت افكاري مع لحونك
شرد النوادر تجي غصب ومنصاعه
ياخال بعض البشرحذراء يهمونك
سافروحنا معك بالعز والطاعه
**********************
مجاراة الشاعر ..بجد السبر

يا كابتن الطايره لا لا يهمونك
اشلع بها للسما والناس مرتاعه
يا ناصر ازعجت راع الدين بلحونك
لا تحسب اني بقول السمع والطاعه
**********************
مجاراه الشاعر حمد نفيع

وجه على مابغيت وريح ضنونك
دارن حسينه وللافكار وداعه
الله بستره ياخالي يصيرفي عونك
جعلك بسترت كريم الوجه وذراعه
************************
يا منادي الطيّار روّح وانا دونك
مد اليمين وصافح الكف بوداعه

احفظ من الدنيا ناساً مايخونونك
واترك بخيسٍ فـي حيـاته تجزّاعه

# ذياب بن فهد العصيمي
***************************
ياناصر احرص على نفسك لايخمونك
اهل الديار اللي تبيها بلحيل طماعه
وعساك ترجع لنا واهلك يشوفونك
وترتاح ناس قبل عودتك مرتاعه

#صالح العوفي.

***************************
ياكبتن الطايره تمتعني فنونك
وانكفبها كنها لإرهاب منصاعه
واللي مؤكد تراها رحلة كفونك
منها القلوب الضعيفه حيل مرتاعه

شاعرها.
****************************

يا عّم توكل على الله لايغرونك
خابرك قرمٍ يطول الحق بذراعه

اما شموخٍ تشوف السحّب من دونك
ولّا بديله مع اهل الموج وشراعه

ابو ياسر
**************************
**************************
اضحكتني جعل ربي يضحك سنونك
ابدعك في قولك وخوياك .بداعه

انكان ناديت  كلاً قال يا عونك
ناساً تجيلك ع الطيب فزاعه
  ابراهيم الهجله
*********************